Wo silsilay wo shok wo nisbat nahi rahi, 
Ab zindagi mein hijr ki wehshat nahi rahi 
 
Phir youn hua k koi shnasa nahi raha, 
Phir youn hua k koi dard mein shiddat nahi rahi 
 
Phir youn hua k hogye masroof wo bohat 
Or onhe hum ko yad karne ki fursat nahi rahi 
 
Ab kya kisi ko chahein k humko to in dino 
Khud apne aap se bhi mohabbat nahi rahi!

Logon ne mere gham ka tamasha bana dia, 
Mere Chaman k sath mera dil b jala dia, 
 
Apno ne mere pyar ka kuch yun sila dia, 
Ulfat k badle khoon k aansoo rula dia..

Muskurate chehre ko rula dete hain log!! 
 
Khaloose-e-ulfat ki kuch aesi saza dete hain log!! 
 
Cheen kar har sahara zindagi ka 
 
Phir jeene ki dua dete hain loug!!

Ham ne kab us se mulakat ka wada chaha 
 
Door rah kar to use or b ziada chaha! 
 
Yaad aya wo hame or b shiddat k sath 
 
Bhool jane ka usay jub b irada chaha!!

Rone se kya hasil ae dil-e-sodai 
 
Ankhon ki b ruswai daman ki b ruswai 
 
Hum log samundar k bichre hoe sahil hain 
 
Is paar b tanhai, us paar b tanhai!!

Ye ham tasleem karte hain  
 
Tumhen fursat nahi milti magar.. 
 
O hamari soch k mehvar!! 
 
Kabi ye b to zara socho 
 
K tumhe ham yaad karte hain 
 
To khud ko bhool jate hain

Taskeen-e-dil k waaste.. 
Waada to kijiay!! 
 
Ham jante hain k aap say.. 
Aaya na jaey ga!!

Kabi waqt mile to aa jao, 
Ham jheel kinare ja baithen 
 
Tum apnay sukh ki baat karo, 
Ham apne dukh ki baat karen 
 
Or un lamhon ki baat karen, 
Jo sang tumhare beet gaye 
 
Kabhi waqt mile to aa jao, 
Ham jheel kinare ja baithen!!

Mujhe acha sa lagta hai 
Tumhare sang sang chalna 
Wafa ki aag mein jalna 
Tumhen naraz kar dena 
Kabhi naraz ho jana 
Tumhari be-rukhi per b 
Tumhari aarzu karna 
Khud apne dil ki dharkan se, 
Tumhari guftugu karna 
Mujhe acha sa lagta hjai 
Tumko dekhte rehna 
Tumhi ko sochte rehna 
Bohat gehre khyalon mein 
Jawabon mein sawaalon mein 
Mohabbat k hawalon mein 
Tumhare naam ka aana 
Mujhe acha lagta hai!

Nahi fursat yaqeen mano hume kuch karne ki 
Teri baaten, teri yaaden, hume masroof rakhti hain